ਜੂਆ ਖੇਡਣਾ ਅਤੇ ਇਹ ਦਿਮਾਗ ਨੂੰ ਕਿਵੇਂ ਪ੍ਰਭਾਵਤ ਕਰਦਾ ਹੈ

ਇਸ ਪੰਨੇ ਨੂੰ ਅੰਗਰੇਜ਼ੀ ਵਿੱਚ ਵੇਖੋ

ਜਦੋਂ ਸਾਡੀ ਜੂਏ ਵਿੱਚ ਜਿੱਤ ਹੁੰਦੀ ਹੈ, ਤਾਂ ਦਿਮਾਗ ਡੋਪਾਮਾਈਨ ਨਾਂ ਦਾ ਇੱਕ ਚੰਗਾ-ਮਹਿਸੂਸ ਕਰਵਾਉਣ ਵਾਲਾ ਰਸਾਇਣ ਛੱਡਦਾ ਹੈ।

ਪਰ ਜਦੋਂ ਅਸੀਂ ਅਕਸਰ ਜੂਆ ਖੇਡਦੇ ਹਾਂ, ਸਾਡੇ ਦਿਮਾਗ ਨੂੰ ਡੋਪਾਮਾਈਨ ਦੀ ਆਦਤ ਲੱਗ ਜਾਂਦੀ ਹੈ, ਜਿਸ ਨਾਲ ਉਹ ਜਿੱਤ ਦੀ ਭਾਵਨਾ ਨੂੰ ਪ੍ਰਾਪਤ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ। ਸਿੱਟੇ ਵਜੋਂ, ਸਾਨੂੰ ਉਸੇ ਪੱਧਰ ਦੇ ਅਨੰਦ ਨੂੰ ਮਹਿਸੂਸ ਕਰਨ ਲਈ ਹੋਰ ਜ਼ਿਆਦਾ ਤੋਂ ਜ਼ਿਆਦਾ ਜੂਆ ਖੇਡਣਾ ਪੈ ਸਕਦਾ ਹੈ।

ਕੁੱਝ ਜੂਏ ਦੇ ਉਤਪਾਦ, ਜਿਵੇਂ ਕਿ ਪੋਕੀਜ਼ ਅਤੇ ਰੌਲੇਟ, ਸਾਨੂੰ ਇਹ ਮਹਿਸੂਸ ਕਰਾਉਂਦੇ ਹਨ ਕਿ ਅਸੀਂ ਜਿੱਤ ਰਹੇ ਹਾਂ, ਭਾਵੇਂ ਅਸੀਂ ਨਾ ਵੀ ਜਿੱਤ ਰਹੀਏ ਹੋਈਏ। ਇਹ ਸਾਨੂੰ ਜਿੱਤ ਹੋਣ ਵਾਲੀ ਭਾਵਨਾ ਨੂੰ ਮੁੜ ਹਾਸਲ ਕਰਨ ਦੀ ਕੋਸ਼ਿਸ਼ ਕਰਨ ਲਈ ਜੂਆ ਖੇਡਦੇ ਰਹਿਣ ਲਈ ਉਤਸ਼ਾਹਤ ਕਰਦੇ ਹਨ।

ਡਾ. ਜੇਰੇਡ ਕੂਨੀ ਹੋਰਵਥ, ਮੈਲਬੌਰਨ ਯੂਨੀਵਰਸਿਟੀ ਦੇ ਨਿਊਰੋ-ਸਾਇੰਟਿਸਟ ਹਨ। ਉਹ ਇਸ ਸਭ ਅਤੇ ਹੋਰ ਬਹੁਤ ਕੁੱਝ ਬਾਰੇ ਸਮਝਾਉਂਦੇ ਹਨ

ਦਿਮਾਗ ਨਿਰੰਤਰ ਬਦਲਦਾ ਰਹਿੰਦਾ ਹੈ ਜਿਵੇਂ ਅਸੀਂ ਸਿੱਖਦੇ ਹਾਂ, ਸੰਬੰਧ ਨਿਰਮਾਣ ਕਰਦੇ ਹਾਂ ਅਤੇ ਪੈਟਰਨ ਬਣਾਉਂਦੇ ਹਾਂ। ਇਸਦਾ ਅਰਥ ਹੈ ਕਿ ਸਾਡੇ ਲਈ ਆਪਣੇ ਦਿਮਾਗ ਨੂੰ ਬਦਲਣ ਵਿੱਚ ਕਦੇ ਵੀ ਦੇਰ ਨਹੀਂ ਹੁੰਦੀ ਹੈ।

ਇੱਥੇ ਇਸ ਬਾਰੇ ਹੋਰ ਜਾਣੋ।

ਅਸੀਂ ਸਮਝਦੇ ਹਾਂ ਕਿ ਜੂਆ ਦਿਮਾਗ ਨੂੰ ਕਿਵੇਂ ਪ੍ਰਭਾਵਿਤ ਕਰਦਾ ਹੈ ਅਤੇ ਕਿਸੇ ਵੀ ਵਿਅਕਤੀ ਨੂੰ ਉਤਸ਼ਾਹਤ ਕਰਦੇ ਹਾਂ ਜਿਸਨੂੰ ਸਹਾਇਤਾ ਦੀ ਜ਼ਰੂਰਤ ਹੈ। ਅਸੀਂ ਤੁਹਾਡੀ ਭਾਸ਼ਾ ਵਿੱਚ ਮੁਫ਼ਤ, ਗੁਪਤ ਜਾਣਕਾਰੀ, ਸਲਾਹ ਅਤੇ ਸਲਾਹ-ਮਸ਼ਵਰਾ ਪੇਸ਼ ਕਰਦੇ ਹਾਂ।